Тавтай морилно уу!

Сармис дархлаа сайжруулахад тустай

Хүн дархлаагаа заавал үнэтэй эм, бэлдмэл авч хэрэглэлгүйгээр сайжруулах боломжтой.

Ингээд гар доорх материалаар гэрийн нөхцөлд хийж болох нэгэн аргыг танд зөвлөе. Дархлаа сайжруулахын тулд Танд зөвхөн сармис байхад л хангалттай. Сармис нь мөөгөнцөр, шимэгч хорхой, вирүсын гаралтай өвчин, үрэвслийн эсрэг үйлчилгээ үзүүлдэг биологийн идэвхт бодисуудыг агуулж байдаг.

Тиймээс хүний дархлааг бэхжүүлэх, өвчин эмгэгийг эсэргүүцэх чадварыг нэмэгдүүлдэг. Сармисанд агуулагддаг бодисууд нь төмөртэй урвалд орсноор үйлчилгээгээ алддаг болохоор зөвхөн модон зүйлээр жижиглэж няцлах хэрэгтэйг мартаж болохгүй.

Мөн сармисыг дархлаа бэхжүүлэх, өвчний илааршилтыг түргэсгэх эмийн бэлдмэл байдлаар хэрэглэж байгаа болохоор элдэв эмгэгтэй хүмүүс эхлээд эмчээс зөвлөгөө, зөвшөөрөл авах хэрэгтэй.

Ялангуяа бөөрний эмгэг, цөсний чулуу, цус багадалт, ходоодны шархтай хүмүүс тун болгоомжтой хэрэглэх нь чухал. Ингээд сармисаар ханд бэлтгэх маш олон жор байдгаас заримыг нь танилцуулъя.

-200 грамм сармисыг жижиглээд 0.5 л сайн чанарын архи хийн харанхуй газар хоёр долоо хоног дарна. Үүний дараа шүүгээд 5-6 ширхэг нимбэгний шүүс нэмнэ. Ингэж бэлтгэсэн бэлдмэлээ хоол идэхийн өмнө хоногт гурван удаа хагас аяга буцалсан усанд, эсвэл сүүнд амны халбагаар хийж хэрэглэнэ.

-1кг сармис жижиглээд 1 литр буцалсан усанд хийгээд хуванцар тагаар таглан 30 хоног дарна. Дараа нь хоол идэхээс хагас цагийн өмнө хагас стакан сүүнд амны халбагаар нэг хийж ханиад хүрсэн үедээ уухад тохиромжтой.

-Сармисны жижиглэсэн хумсыг шөнийн туршид аяга тарганд байлгаад өдрийн туршид бага багаар ууна. Энэ нь дархлаа сайжруулахад тустай.

-2-3 ширхэг сармисны хумс ба мөн тооны нимбэгийг жижиглэн нухаад 1 литр буцалсан усанд хийгээд хоёр хоног дарна. Амны халбаганы талыг хагас аяга усаар шингэлээд хоол идэхийн өмнө гурван удаа ууна.

-2-3 долоо хоногийн туршид амны жижиг халбагаар өглөө оройд хоол идэхээс хагас цагийн өмнө ууна гэж баримжаалаад жижиглэн нухсан сармис ба зөгийн балын адил харьцаатайгаар хольж хэрэглэнэ.

Илгээх | 402 хүн уншсан | Бичсэн: Долгормаа

Сэтгэгдэл бичих

Сэтгэгдэл (0) | :